Viðburðarríkur dagur

Við Emilía fórum í síðasta tímann í ungbarnanuddi í dag og hún fékk "helkroppsmassage" og líkaði það vel. Svo fórum við beint þaðan að hitta Lindu og son hennar Theo á Öppna Förskolan. Þar gerðum við afsteypu af litlu höndunum og fótunum þeirra í gifs, sungum með hinum börnunum og Emilía fékk að sitja í barnastól við borð í fyrsta skipti. Síðan kom hún mér skemmtilega á óvart með því að snúa sér frá baki yfir á maga í fyrsta skipti og Linda varð vittni af því, þannig að ég er ekkert að plata. Þar að auki tókst henni að gera eftirfarandi og geri aðrir betur: kúka í rúmið okkar, pissa á handklæðið í ungbarnanuddinu, æla á bolinn sinn, kúkaði svo tvisvar á leikteppið sitt (var að viðra bossann) og pissaði í gegnum allt í vagninum sínum!! Þvottakarfan er full núna...