Emilía Þórný og Anna Soffía

miðvikudagur, júní 15, 2005

Drekkur, drekkur....

Hún Emilía Þórný fór í skoðun á BVC (Barnavårds Centralen) á mánudaginn 13/6 og reyndist þá vera búin að bæta á sig 1/2 kg á einni viku. Hún er því komin yfir fæðingarþyngdina og orðin 3.8 kg stúlkan. Við erum reyndar ekkert hissa á þessari þyngdaraukningu þar sem að hún er ansi iðin við að næra sig. Það er þó ekki mikið m.v. frænda hennar, son Rakelar og Jóa, sem að fæddist í morgun 15/6 í Kaupmannahöfn en hann var 5 kg og 57 cm við fæðingu.
Við höfum einnig verið að rýna í háralitinn hjá henni og erum orðin nokkuð sannfærð um að hún sé rauðhærð eftir að hafa í fyrstu haldið að hún væri ljóshærð. Ætli það sé ekki einhversstaðar mitt á milli, nokkurs konar "Strawberry Blonde"? Hvað finnst ykkur annars?

Iris og Oli birti þann 5:43 e.h.

6 Ummæli:

  • Mér fannst strax að hún væri pínu rauðbirkin - þó skilst mér að lítið sé að marka þetta í upphafi!
    Hún er nú meiri rúsínan.....fæ aldrei nóg af því að skoða myndir!
    Kær kveðja,Karen

    Höfundur Anonymous Nafnlaus, Þann 6:08 e.h.  

  • Jú, ég myndi segja gyllt "strawberry blonde"! Annars er lítið að marka fæðingarhárið, Anna Sólrún fæddist með dökkrautt hár (við héldum einmitt að hún væri með músarbrúnt hár þegar við vorum á spítalanum), sem núna er orðið vel ljósrautt og hún endar líklegast sem "strawberry blonde" :)

    Annars er hún alveg rosalega fullorðinsleg - og er hún farin að halda haus strax!??! :)

    Höfundur Blogger Hrefna, Þann 10:17 e.h.  

  • Mér sýnist háraliturinn svipaður og á mömmu hennar á þessum aldri þó hann hafi ekki heitið strawberry blonde í þá daga. Þar að auki sýnist mér hún líkjast mömmu sinni í því að vilja fylgjast með öllu í kringum sig alveg frá fyrstu byrjun.
    Við afi hlökkum voða mikið til að hitta Emilíu Þórnýju og auðvitað ykkur öll.
    Kær kveðja, amma/mamma Soffía

    Höfundur Anonymous Nafnlaus, Þann 1:55 f.h.  

  • Mér fannst líka strax, Emilía vera með örlítinn rauðan blæ á hárinu, alveg eins og Kamilla frænka, liturinn hefur haldið sér, þangað til hún fór að lita það, því er nú ver og miður. En mér finnst Emilía Þórný vera alveg eins og þriggja mánaða svo skýr og fín, algjört krútt finnst okkur öllum hér í Hveragerði. Við erum voða spennt að sjá hana. Hún er líka með píanófingur. kv. Ragna

    Höfundur Anonymous Nafnlaus, Þann 1:02 e.h.  

  • Hæ hæ
    Hún er ansi mikið fyrir að sperra sig og líta í kringum sig og getur haldið haus í ákveðnum stellingum. Það er samt þó nokkrar vikur í að hún verði orðin góð í þessari tækni :-)

    Höfundur Blogger Iris og Oli, Þann 10:35 e.h.  

  • Hún er ekki smá mannaleg. Lítur sko ekki út fyrir að vera nýfædd.

    Það verður gaman að sjá hvernig háraliturinn á eftir að þróast. Það er ekki alltaf að marka litinn á fæðingarhárinu. Hárlitur Kamillu er t.d. miklu ljósari en við fæðingu.

    Höfundur Blogger Sonja, Þann 12:43 f.h.  

Skrifa ummæli

Gerast áskrifandi að Birta ummæli [Atom]



<< Heim