Spennandi önd og annað dót

Emilía fór í byrjun síðustu viku (þá orðin rétt rúmlega 5 vikna) skyndilega að taka eftir litlu öndinni sem hangir í vagninum hennar og núna getur hún horft á hana dinglast og danglast fram og tilbaka endalaust ef vel liggur á henni. Kemur sér vel í göngutúrum þegar hún vaknar (arrg, á náttúrulega helst að sofa). Þá er hún yfirleitt sátt við að liggja áfram í vagninum og fylgjast með öndinni sinni. Ingibjörg og Örvar komu svo með fína og litríka tréfíguru með bjöllum á sem hún fær líka að horfa á og hefur gaman af.